Shkencëtari planetar dhe astro-fotografi Connor Matherne investoi dy vjet dhe më shumë se 100 orë kohë ekspozimi për të krijuar një imazh mahnitës të Mjegullnajës Helix I njohur gjithashtu si ”Syri i Zotit”, është një nga mjegullnajat planetare më të afërta me Tokën. E shtrire rreth 650 vite dritë nga Toka në yjësinë e Ujorit, kjo re gazi dhe pluhuri është një pamje për t’u parë.
Connor Matherne është një shkencëtar planetar dhe astrofotografi që pëlqen të kapë yjet.
Matherne ishte magjepsur me mjegullnajën për shumë vite, me një foto të Mjegullnajës Helix. Tema ishte “Syri i Zotit”. I interesuar dhe duke dashur të kuptojë nëse fotot që po shihte ishin reale apo thjesht interpretime artistike, ai u shty drejt astrofotografisë dhe që atëherë po zhvillon artin e tij.
Falë punës së tij në Observatorin Deep Sky West, Matherne ka qasje të lehtë në teleskopin që ndihmoi në sjelljen e imazhit të tij në jetë. “Një kompjuter është programuar me një listë objektivash dhe vendos vetë bazuar në faktorë të tillë si qartësia e qiellit, pozicioni i objektivit në qiell dhe distanca nga – si dhe faza e – Hënës se kur të fotografohet çdo objektiv. Në këtë rast, kjo mjegullnajë u rishikua disa herë pasi ngadalë grumbullonim gjithnjë e më shumë kohë ekspozimi në të çdo natë.”
Në përgjithësi, ai kaloi rreth dy vjet duke mbledhur ekspozimet e mjegullnajës. Pastaj, është koha për t’i bashkuar të gjitha në post-produksionet. Këtu filloi sfida e vërtetë. “Të integrosh pa ndërprerje mbi 100 orë fotografi në një imazh të vetëm të marrë gjatë viteve nuk është e lehtë. Për më tepër, kur imazhi ka një kohë kaq të gjatë ekspozimi, doja të sigurohesha që përpunimi që bëra mbi të dhënat të ishte sa më i përsosur që të ishte e mundur. Më duhej të merrja një imazh mahnitës për të vazhduar me kohën absurde të ekspozimit, nuk mund të kisha një foto që të dukej si fotot e tjera të panumërta të të njëjtit objektiv të bërë nga të tjerët.” thotë ai në mënyrë karakteristike.
Në fund të fundit, kjo punë e vështirë u shpagua me një imazh të pasur në detaje. Për Matherne, është e rëndësishme që njerëzit të kuptojnë se fotot spektakolare të mjegullnajave që shohin nuk janë vetëm reale, por se ato mund të merren nga kushdo.
