Nëse po përballeni me një problem me rënien e flokëve, provoni këto ushqime aleate në betejën për ta kufizuar atë, përbërës të rëndësishëm të të cilave pengojnë prodhimin e një androgjeni që lidhet me rënien e flokëve.
Dihidrotestosteroni (DHT) është një androgjen që është lidhur drejtpërdrejt me rënien e flokëve. Ai prodhohet nga testosteroni me ndihmën e enzimës 5α-reduktazë (5α-reduktazë) me një shkallë prej afërsisht 5%.
Frenimi i veprimit të kësaj enzime mund të kontribuojë ndjeshëm në adresimin e problemit duke zvogëluar prodhimin e dihidrotestosteronit. Ushqimet që kanë provuar të jenë aleatë të rëndësishëm në luftën kundër rënies së flokëve mund të kontribuojnë në këtë.
- Çaji jeshil
Cajit jeshil, një katekinë që i përket grupit të flavonoideve – dhe e cila është shoqëruar me humbje peshe, shëndet më të mirë të zemrës dhe trurit, është treguar gjithashtu se mbron folikulat e flokëve nga veprimi i androgjenit DHT.
Studimet, me disa kufizime, treguan se aplikimi i një ekstrakti katekine në skalpin e tre burrave për katër ditë uli rënien e flokëve duke parandaluar vdekjen e qelizave që rregullojnë rritjen e flokëve nga hormoni DHT.
- Qepë
Qepët, si ushqime të tjera të pasura me kuercetinë, një tjetër flavonoid me aktivitet të konsiderueshëm antioksidues, në studimet paraklinike është treguar se pengojnë prodhimin e hormonit DHT duke bllokuar veprimin e enzimës 5α-reduktazë dhe duke zvogëluar stresin oksidativ.
Eksperimentet mbi minjtë treguan se në kombinim me ilaçet për të trajtuar rënien e flokëve, kuercetina duket se zvogëlon prodhimin e hormonit DHT. Megjithatë, nevojiten kërkime të mëtejshme për të përcaktuar efektin e flavonoidit tek njerëzit.
Së fundmi, fruta dhe perime të tjera të pasura me kuercetinë janë shpargu, spinaqi, lakra, mollët dhe manaferrat.
- Shafrani i Indisë
Shafrani i Indisë është ari i paçmuar që gjendet pothuajse në çdo kuzhinë. Përfitimet e tij të shumta përfshijnë efektin e tij qetësues të dhimbjeve tek pacientët me artrit, përmirësimin e niveleve të kolesterolit, si dhe shërimin më të shpejtë nga ushtrimet fizike.
Kurkumina, përbërësi më i rëndësishëm që përmbahet në shafranin e Indisë dhe kryesisht përgjegjës për efektet e tij të dobishme, mundet, sipas studimeve, të zvogëlojë nivelet e hormonit DHT duke penguar veprimin e enzimës 5α-reduktazë.
- Fara e Kungullit
Fara e njohur e kungullit, me përmbajtjen e saj të lartë të hekurit, zinkut, magnezit dhe antioksidantëve, duket se është në gjendje të përmirësojë rritjen e flokëve tek burrat.
Një studim 24-javor në 76 burra me rënie flokësh zbuloi se pjesëmarrësit që morën një suplement vaji farash kungulli prej 400 mg çdo ditë përjetuan rritje më të lartë të flokëve sesa grupi që mori një placebo. Megjithatë, nuk u vu re asnjë ndryshim në trashësinë e flokëve në të dy grupet.
Ashtu si përbërësit e mëparshëm të dobishëm, vaji i farave të kungullit tregoi se kishte një efekt frenues në enzimën 5α-reduktazë dhe si pasojë uli prodhimin e hormonit DHT. Megjithatë, suplementi i përdorur në studim përmbante përbërës aktivë shtesë që mund të kenë ndikuar në rezultate, dhe për këtë arsye janë të nevojshme kërkime të mëtejshme.
