Shumica e njerëzve, por edhe përfaqësuesit e shkencave, kanë konsideruar deri më tani se trupi i njeriut arrin kulmin në një moment, ndërsa nga një moshë e tutje ai pushon së qeni në funksion të përsosur gradualisht. Megjithatë, dhe sipas hulumtimeve, truri i njeriut vazhdon të na befasojë edhe pas të 80-tave pasi më në fund vërtetoi diçka që nuk e kishim vënë re deri më sot.
Edhe gjatë dekadës së nëntë të jetës së një personi zhvillohen qeliza të reja të trurit, diçka që u shfaq si rezultat i kërkimeve të shkencëtarëve spanjollë. Megjithatë, sipas shkencëtarëve, krijimi i neuroneve të reja reduktohet ndjeshëm te pacientët me Alzheimer. Studiuesit, të udhëhequr nga Dr. Maria Lorenz-Martin e Departamentit të Biologjisë Molekulare të Universitetit Autonom të Madridit, i cili bëri publikimin përkatës në revistën mjekësore “Nature Medicine”, analizuan mostrat e indeve të trurit nga 58 persona.
Studios arriti në përfundimin se me kalimin e kohës ka një ulje të shkallës së neurogjenezës, por krijimi i neuroneve mund të vërehet në hipokampus, një zonë vitale e trurit, gjatë gjithë jetës sonë. Kjo do të thotë se ka 40,000 neurone të reja për mililitër ind truri në moshën 40 vjeçare, ndërsa kjo sasi bie me moshën në 30,000 në moshën 70 vjeçare.
Por nëse personi ka sëmundjen e Alzheimerit ose ndonjë gjë që lidhet me demencën edhe në fazat e hershme të sëmundjes, ai përfundon me 30,000 deri në 20,000 neurone të reja për mililitër ind truri. Kjo përqindje korrespondon me një ulje prej mbi 30%.
Shumica e qelizave dhe neuroneve tona të trurit mund të jenë krijuar në tru deri në momentin e lindjes, por formimi i qelizave të reja vazhdon në trurin e të rriturve gjatë gjithë jetës së një personi në zona të veçanta të trurit, siç është hipokampusi. Studimet e mëparshme kanë treguar se kjo ndodh te kafshët, por tani është konfirmuar se diçka e ngjashme është e vërtetë edhe te njerëzit, madje edhe në moshë të shtyrë.
