Pajisje akustike me rreze të gjatë (LRAD), pajisje akustike zanore (AHD) ose topa zanorë të cilat janë altoparlant të specializuar që prodhojne tinguj me fuqi të lartë për komunikim në distancë.
Është përdorur si një metodë e kontrollit të turmës nga policia Serbe ne beograd, e cila shkakton dëmtime të përhershme të dëgjimit, duke pasur një kapacitet jashtëzakonisht të lartë decibel (deri në 160 dB e matur në një metër nga pajisja).
Presidenti i Serbisë, Aleksandar Vuçiq, ka mohuar se forcat e tij policore kanë përdorur një ‘armë zanore’ të ndaluar për të shpërndarë protestuesit në Beograd. “Është një gënjeshtër e ndyrë,” tha ai në një fjalim drejtuar kombit.”Kam pasur rastin ta shoh këtë armë jashtë vendit dhe lëshon një tingull të fortë, shpues. Ai zë nuk është dëgjuar në rrugët e Beogradit të shtunën mbrëma.”Ai shtoi se do të hapet një hetim, por paralajmëroi: “Duhet të ndjekin penalisht edhe ata që dolën publikisht me një gënjeshtër kaq famëkeqe”.
Serbian security forces illegally used military-grade sonic weapons against protesters in Belgrade
— NEXTA (@nexta_tv) March 16, 2025
Police deployed the LRAD cannon — an acoustic weapon that emits a targeted “beam” of sound at volumes up to 160 dB.
Victims experience sharp ear pain, disorientation, and panic.… pic.twitter.com/gW8yNS4JSt
Cilat janë akuzat?
Gjatë një heshtjeje përkujtimore pesëmbëdhjetë minutëshe, dëshmitarët okularë raportuan se kishin dëgjuar një zhurmë të papritur therëse, duke shkaktuar që turma të shpërndahej në panik.
Duke folur për mediat lokale, analisti ushtarak Aleksandar Radiç tha se tingulli duhet të ketë origjinën nga një pajisje akustike me rreze të gjatë (LRAD), e njohur zakonisht si një armë zanore. Pajisja është “përdorur kryesisht për paaftësi”, sipas Radiç.
Qendra e Beogradit për Politikën e Sigurisë, një OJQ serbe, dënoi qeverinë për përdorimin e dyshuar të armës.
“Ky akt përfaqëson një shfaqje flagrante të forcës dhe një përpjekje për të nxitur kaos, duke synuar delegjitimimin e protestave dhe kriminalizimin e qytetarëve paqësorë”, thanë ata në një deklaratë.
Ata vunë në dukje gjithashtu se përdorimi i një arme të tillë është i paligjshëm sipas ligjit të policisë serbe.
Protesta më e madhe e parë në historinë Serbe.
Protestat në Beograd panë turmat më të mëdha në historinë e vendit. Përllogaritjet zyrtare të policisë numërojnë pak më shumë se 100,000 njerëz, ndërsa vëzhguesit e pavarur e vendosin totalin në mbi 300,000.
Marshimi i së shtunës shihet si një kulm i një lëvizjeje protestuese disa mujore të udhëhequr nga studentët serbë. Protestuesit kërkuan përgjegjësi për vdekjen e 15 personave në Novi Sad, të cilët u vranë nga rrënojat, ndërsa pjesa e jashtme e çatisë së një stacioni treni u rrëzua mbi ta.
Në një kuptim më të gjerë, lëvizja ka përmbledhur gjithashtu një sërë ankesash kundër Vuçiqit dhe qeverisë së tij, duke përfshirë akuzat për korrupsion të përhapur, nepotizëm, keq menaxhimin e burimeve natyrore, mashtrimin e votuesve, kontrollin e medias dhe përgjigjet e ngatërruara ndaj incidenteve të mëparshme vdekjeprurëse të lidhura me zyrtarët qeveritarë.
