Twitter i tha lamtumirë markës së tij të famshme me zogun blu ku te gjithe e shikuam ne llogarite e saje ne rrjetin social dhe mirëpriti logon e re, shkronjën “X”.
Ky ndryshim jo vetëm që ka mërzitur shumë përdorues të platformës së njohur, por duket se do të krijojë edhe probleme të reja, pasi tabela e vendosur në godinën e kompanisë në San Francisko po pulson fort dhe ka shkaktuar mjaft reagime.
Christopher Beale me postimin e tij regjistroi se si sinjali i ndriçuar i Twitter mund të shihet nga shtëpia e tij, ndërsa një përdorues tjetër i platformës komentoi “imagjinoni këtë sinjal pikërisht përballë dhomës tuaj të gjumit”.
Konkretisht, të premten kompania instaloi “X”, logon e re të Twitter, në çatinë e selisë së saj në Market Street dhe pothuajse menjëherë filluan ankesat nga fqinjët për dritat e bezdisshme.
Ndërkohë, departamenti i inspektimit të ndërtesave në San Francisko tha se do të nisë një hetim, me zyrtarët që argumentojnë se zëvendësimi i shkronjave ose simboleve në ndërtesa ose vendosja e një tabele mbi to kërkon një leje për arsye projektimi dhe sigurie.
