Teknika anticelulit

I reziston çdo lloji diete dhe prek të gjitha gratë, të dobëta e të shëndosha...

Celuliti është armiku ynë publik nr. 1. Një  persekutim i vërtetë, ky lloj dhjami akumulohet nën lëkurë, ku krijon  pala, të cilat krijojnë të ashtuquajturën lëkurë portokalli. Në shumicën e rasteve, koncentrohet mbi kofshët dhe vithet, por mund të lokalizohet edhe mbi bark dhe në krahë. I reziston çdo lloji diete dhe prek të gjitha gratë, të dobëta e të shëndosha, gjë që shpjegon vëmendjen që i kushtojnë shkencëtarët, të cilët kërkojnë zgjidhjen e problemit.

Trajtimet mekanike

Endermologjia është një lëvizje kap&rrotullo që bëhet nga një makineri. Ka të bëjë me kapjen e lëkurës dhe lëvizjen e saj në formë dallge: kjo vë në lëvizje shkëmbimet celulare, përshpejton eliminimin e skorjeve dhe vë në qarkullim dhjamin.

Presoterapia është një drenim linfatik i kryer nga një makineri speciale më ajër me impuls, që fryn në mënyrë progresive nga poshtë - lart një palë çizme që mbulojnë këmbët duke filluar nga kavilja deri tek vithet. Qëllimi: aktivimi i qarkullimit venoz dhe linfatik.

Kurat mjekësore dhe kirurgjikale

Mezoterapia është injektimi nën lëkurë i produkteve që qëllojnë celulitin. Këshillohet në rastet e problemeve të qarkullimit dhe të celulitit të përhapur.

Liposucioni  bëhet me anestezi totale, është thithja e dhjamit të tepërt nën lëkurë. Jep rezultate të mira në disa lloje celuliti dhe heq me vështirësi celulitin e tipit “ lëkurë portokalli”

Elektroterapia dhe ultrasuonolipolizi janë metodat e sotme që shfrytëzojnë korrentin elektrik, ultratingujt ose rrezet e kuqe, të transmetuara falë elektroliteve të ngjitura mbi zonat që duhen trajtuar ose aparate të tjera që veprojnë direkt mbi lëkurë. Efektet që shkaktojnë janë tre: rritja e temperaturës në inde, rritja e kalueshmërisë celulare të dhjamërave, ulja e dendësisë së indeve në hipodermë.

Kremrat gjithnjë e më shumë të fuqishme bashkojnë disa principe aktive: drenuese, për të luftuar mbajtjen e ujërave dhe lirimin e indeve, djegësdhjami ( kafeina) dhe lëmuese. Veprimi i tyre është i trefishtë: kufizojnë fryrjen, ulin numrin dhe vëllimin e dhjamërave, duke përmirësuar pamjen e lëkurës.

Ideale është t’i aplikoni duke masazhuar e alternuar lëvizje drenuese nga poshtë lart.

Hidroterapia  bëhet në qendrat termale, saunat apo pishinat e veçanta. Hidrodrenimi linfatik është një gjimnastikë e veçantë që zhvillohet në ujë. Qëllimi është që të forcohen muskujt e poshtëm, veprimi i të cilëve është 4 herë më i madh se sa ai i muskujve sipërfaqësorë.

Hidromasazhi dhe dushet e drejtuara stimulojnë qarkullimin venoz e linfatik. Rrjedhjet e ujërave detare lejojnë një drenim akoma më të fuqishëm se ai i bërë me dorë, falë forcës së ujit mbi trup.

Plotësuesit ushqimorë të pranishëm  në forma tabletash, kokrrash, çajrash me principe aktive në kurimin e celulitit:

•    drenuesit që shërbejnë për të eliminuar skorjet dhe për të liruar indet prej tyre: hithra, gështenja e egër, ortosifoni...

•    djegësit e dhjamit që aktivizojnë djegien dhe ndihmojnë për nxjerrjen e dhjamërave jashtë: çaj i virgjër, kafe jeshile, acid linoleik i bashkuar.