Ju ndoshta e dini se djersa nuk është treguesi i vetëm i një stërvitjeje të mirë. Megjithatë, mund të jetë një shenjë që ju duhet të hidratoni. Por a djersitni edhe kur jeni në ujë?
E megjithatë, ju djersiteni kur notoni. Mund të mos ndiheni të djersitur sepse uji e largon ate, por kjo nuk do të thotë që nuk po humbisni lëngje që duhen zëvendësuar.
Një studim në Revista e shkencës dhe mjekësisë në sport (Journal of Science and Medicine in Sport) zbuloi se notarët humbën mesatarisht 200 ml djersë për çdo 1.5 km notim.
Ndërsa shkalla e djersitjes mund të ndryshojë nga personi në person, ju në përgjithësi djersitni në ujë aq shumë sa në tokë. Por për shkak se temperatura e ujit mund të jetë më e ulët se ajo e jashtme, dhe për shkak se ju jeni të rrethuar nga elementi i lëngshëm, është më e vështirë të dallosh.
Si të dalloni nëse jeni duke djersitur ndërsa jeni në ujë.
Temperatura mesatare e trupit të njeriut është rreth 36-37ºC. Kur bëjmë aktivitet të fuqishëm, temperatura jonë e brendshme rritet. Ndërsa ushtroni, trupi juaj natyrisht përpiqet të ftohet përmes djersës.Nëse uji ndihet më i ngrohtë se temperatura fillestare që ishte kur hyni, kjo është një shenjë se temperatura e trupit tuaj është rritur.
Kur merrni frymë rëndë ose ndiheni të gulçuar gjatë notit, kjo është një shenjë se rrahjet e zemrës suaj janë rritur dhe ndoshta jeni duke djersitur.
Pse është e rëndësishme të hidratoheni kur shkoni për të notuar.
Humbja e lëngjeve përmes djersitjes kërkon rimbushje për të shmangur dehidratimin.Në raste më të rralla, për shkak se lëvizni nga një pozicion horizontal gjatë notit në një pozicion vertikal kur ndaloni dhe qëndroni në këmbë, mund të përjetoni marramendje të hipotensionit ortostatik.
Përveç kësaj, nëse doni të rritni performancën tuaj dhe të siguroni funksionin optimal të muskujve duke shmangur ngërçet, hidratimi i duhur është thelbësor.
