Zbulimi i kancerit të gjirit

Nr. Referencës
RF526893
Titulli i njoftimit
Zbulimi i kancerit të gjirit
Përshkrim
Kanceri i gjirit është një kancer që ndodh më shpesh tek gratë, pa dallim vendi apo moshe. Sipas statistikave, një në nëntë gra do të ketë gjatë jetës së saj kancer në gji dhe një në 28 gra do të vdesë.
Edhe pse numri i diagnostikimeve të kancereve të gjirit është shtuar lehtë gjatë 30 vjetëve të fundit, teknikat e zbulimit, diagnostikimit dhe kurimit kanë pësuar një zhvillim të ndjeshëm, gjë që bën që ky kancer të jetë një ndër më të lehtët për t’u kuruar. Përqindja e vdekjeve nga ky kancer është, pra, në rrënie të vazhdueshme.
Disa fjalë për kancerin e gjirit
Gjiri përbëhet nga yndyrë, gjëndra dhe kanale që prodhojnë qumësht. Kanceri i gjirit është shfaqja e qelizave anormale që zhvillohen në mënyrë të pakontrollueshme në gjirin e prekur. Në përgjithësi, vlerësohet se kancerit të gjirit i duhen disa muaj, madje disa vjet për t’u zhvilluar, nga lind interesi për ta zbuluar tumorin sa më shpejt që të jetë e mundur. Sa më shpejt që të diagnostikohet kanceri, aq më të shumta do të jenë shancet për të shpëtuar pa shumë dëme.
Shkaqet 
Është e pamundur për të përcaktuar shkaqet e veçanta të shfaqjes së kësaj forme të kancerit tek një person. Megjithatë, disa faktorë të rrezikut duhen marrë parasysh. Ja disa prej tyre:
- Mosha: 8 nga 10 kancere ndodhin pas moshës 50 vjeç.
- Rastet personale: një grua që ka pasur kancer të gjirit është më shumë e predispozuar për të pasur një tjetër.
- Rastet familjare: veçanërisht një nënë, një motër apo një vajzë tek e cila diagnoza është bërë para menopauzës.
- Disa mutacione gjenetike: vetëm një numër i vogël kanceresh të gjirit (5-10%), janë të trashëguar, disa prej të cilave janë për shkak të mutacioneve gjenetike (BRCA1 ose BRCA2). Këto mutacione mund të rrisin deri në 80 për qind rrezikun për jetë duke u sëmurë nga kanceri i gjirit.
- Historia e riprodhimit: menstruacione të parakohëshme, menopauzë të vonuar, shtatzënia pas moshës 30 vjeç ose mungesë shtatzanie.
- Alkooli: edhe një sasi e vogël konsumi alkooli (pak më shumë se një gotë në ditë) rrit rrezikun e kancerit të gjirit.
Edhe pse është një fakt pak i njohur, edhe burrat mund të sëmuren nga kanceri i gjirit: më pak se 1% të kancereve të gjirit bien tek burrat.
Simptomat
Shënjat e para të një kanceri të gjirit janë të ndryshme., por edhe në qoftëse shfaqet njëra apo tjetra simptomë, nuk është e thënë që ato të jenë shkaktuar nga kanceri i gjirit. Vetëm një diagnostikim mjekësor mund të konfirmojë apo jo praninë e qelizave kanceroze në gji. Duhet të konsultoheni me mjekun, në rast se konstatoni:
•    Një fryrje në gji apo në sqetull.
•    Një rrjedhje në gji.
•    Një thithë që hyn brënda.
•    Një ndryshim të pamjes së lëkurës së gjirit: lëkurë portokalli, skuqje, nxehje, rrënie të lëkurës.
•    Një ndryshim të formës së gjirit (i futur apo i fryrë)
Kurimi
Në rast se, pas ekzaminimit mjekësor, mjeku konfirmon praninë e një tumori kanceroz, atëherë duhet menduar për një kurim për çrrënjosjen e sëmundjes. Specialisti do të tregojë se çfarë duhet bërë në këtë rast.
Masteroktomia: është kirurgjia që synon heqjen e tumorit. Në varësi të madhësisë së tij, bëhet heqja e pjesshme apo e plotë e gjirit.
Radioterapia: përdoret kryesisht pas kirurgjisë për t’u siguruar që të gjitha qelizat kanceroze lokale janë zhdukur.
Kimioterapia: konsiston në medikamente që jepen nga goja ose me injektim, pas kirurgjisë, për të eliminuar të gjitha qelizat kanceroze që mund të kenë dalë jashtë gjirit.
Hormonoterapia: në disa raste, marrja e hormoneve të veçanta mund të frenojë ose të ndërpresë progresin e qelizave kanceroze.
Zbulimi i kancerit të gjirit
Shumë gra janë ende në jetë dhe me shëndet të plotë falë zbulimit dhe kurimit të shpejtë të kancerit. 
Është mirë të diskutohet me mjekun për masat e zbulimit të sëmundjes: ai do të japë këshillat e duhura në bazë të moshës së gruas dhe faktorëve personalë të rrezikshmërisë. 
Ja disa nga masat:
Gratë e të gjitha moshave
Është e rëndësishme të njihet gjëndja normale e gjinjve. Nuk ka mënyra të mira apo të këqia për ekzaminimin e gjinjve, përsa kohë mbulohet gjithë sipërfaqja që shtrihet deri tek klavikula dhe nën sqetulla, pa harruar thithën. Në këtë mënyrë bëhet e mundur të zbulohet çfardo anomali apo çfardo ndryshim në mënyrë që të njoftohet mjeku sa më shpejt që të jetë e mundur.
Gratë nga mosha 40 deri në moshën 49 vjeç
Çdo dy vjet duhet bërë një ekzaminim klinik i gjinjve tek një specialist. Mund të bëhen edhe mamografi.
Gratë nga mosha 50 deri në moshën 69 vjeç
Edhe ato duhet t’i nënshtrohen një ekzaminimi klinik të gjinjve çdo dy vjet, i cili do të plotësohet me një mamografi (edhe ajo në çdo dy vjet). Mamografia është radiografia e indeve të gjinjve: specialisti bën shumë klishe të gjinjve për të zbuluar çfardo amomalie apo tumori të dyshimtë. 
Gratë mbi 70 vjeç
Duhet të konsultohen me mjekun, i cili do t’u japë këshillat e duhura.
    • Vlerësimi i tanishëm: 0
    • Votimi total: 0
  • Shkarkoje si PDF Shkarkoje  si PDF
  • Denoncoje si të rremë Nrysho denoncimin
  • Skano barkodin ! Skano  barkodin !
  • 1945 Vizitorë
Emri i shokut tuaj *
Posta elektronike e shokut tuaj *
Emri
Posta juaj elektronike
Mesazhi Juaj.
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Nuk ka komente te vendosura
Komento
Emri *
Arsyeja *
Vlerësimi
Mesazhi Juaj. *
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Ne e kemi të pamundur te gjejme këtë adresë të kërkuar () nuk ka të dhëna për këtë adresë
Vendosni denoncimin tuaj për këtë njoftim.
Po përpunohet...
Jeni të sigurtë që doni të anulloni denoncimin tuaj?

Njoftime për të krahasuar

    Nuk ka njoftime për të krahasuar
    Identifikohu
    Emri juaj
    Fjalekalimi
    Humbët fjalëkalimin? Kujtoj