E ecura Nordike, sport për të gjithë

Nr. Referencës
RF911528
Titulli i njoftimit
E ecura Nordike, sport për të gjithë
Përshkrim
Gjithnjë e më shpesh shihen edhe në qytet persona, të cilët në vend që të bëjnë ecje të shpejtë apo të bëjnë vrap, ecin me mbështetjen e shkopave të ngjashëm më ata të skisë. Bëhet fjalë për ecjen Nordike, një disiplinë e re sportive që vjen direkt nga Finlanda dhe që po përfshin një numër gjithnjë e më të madh sportdashësish, duke tërhequr edhe adhuruesit e vrapit.
Por çfarë është konkretisht ecja Nordike?
Është thjesht një teknikë ecjeje që fut në brendësi të lëvizjes natyrale përdorimin e shkopave, duke u frymëzuar nga teknika e skisë klasike. Mund të praktikohet kudo, në parqe, në mal, në buzë të detit, në shtigjet e pyjeve etj, etj. Kjo është një mënyrë e përsosur për të bërë sport në kontakt me natyrën. Përdorimi i shkopinjve gjatë ecjes sjell një numër jo të vogël avantazhesh  fizike e mendore, që krijojnë suksesin e këtij sporti. Lëvizja është e përbërë nga shtyrja e këmbës me dorën e kundërt : pra duhen lëvizur në mënyrë alternative këmba e majtë me krahun e djathtë dhe këmba e djathtë me krahun e majtë.
Mbajtja e trupit duhet të jetë e drejtë, por pa u kontraktuar, drejt si shtylla kurrizore: një nga objektivët e ecjes Nordike është pikërisht të sjellë këtë teknikë në jetën e përditshme, për të gjetur gradualisht qëndrimin e drejtë të ecjes natyrale pa shkopinjtë, duke përdorur gjithmonë edhe muskujt e barkut dhe të kurrizit. Duhet të jemi pak të përkulur përpara, por pa përkulur bustin, duke lenë supet e relaksuara me një luhatje të gjerë të krahëve.
Krahët duhet të jenë të tendosur, sepse ata mbajnë rrotullimin funksional të boshtit të supeve në lidhje me boshtin e legenit, duke bërë të mundur një sforcim më të madh të muskujve. Duart ndjekin një lëvizje të drejtë para e mbrapa dhe shkopinjtë lëvizin gjithnjë pranë trupit.
Gjatësia e hapit llogaritet në vartësi të mundësisë së legenit për t’u rrotulluar në kushte ekuilibri, prandaj hapat nuk janë as të gjatë e as të shkurtër, por në varësi të shtrirjes së lëvizjes dhe shtytjes si dhe të morfologjisë se terrenit ku ushtrohet sporti.
Shkopinjtë nuk ndryshojnë  mënyrën e të ecurit, por ndihmojnë për ta bërë atë më dinamike dhe të shëndetshme. Shkopinjtë mbahen pjerrët, jo drejt. Duhet të shërbejnë si zgjatës të krahëve.
Nga vjen ky sport kaq i shëndetshëm?
Siç e pamë më sipër, ky sport ka lindur në Finlandë dhe e ka prejardhjen nga stërvitjet verore të skiatorëve profesionistë. Duke parë dobinë e madhe dhe mundësinë e ushtrimit të tij kudo dhe nga persona të të gjitha moshave, ecja Nordike filloi të përhapej më vonë si një disiplinë e vërtetë e fitness-it, duke përfshirë kështu gjithnjë e më shumë persona  e duke arritur deri në SHBA dhe në gjithë Europën.
    • Vlerësimi i tanishëm: 5
    • Votimi total: 1
  • Shkarkoje si PDF Shkarkoje  si PDF
  • Denoncoje si të rremë Nrysho denoncimin
  • Skano barkodin ! Skano  barkodin !
  • 1885 Vizitorë
Emri i shokut tuaj *
Posta elektronike e shokut tuaj *
Emri
Posta juaj elektronike
Mesazhi Juaj.
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Nuk ka komente te vendosura
Komento
Emri *
Arsyeja *
Vlerësimi
Mesazhi Juaj. *
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Ne e kemi të pamundur te gjejme këtë adresë të kërkuar () nuk ka të dhëna për këtë adresë
Vendosni denoncimin tuaj për këtë njoftim.
Po përpunohet...
Jeni të sigurtë që doni të anulloni denoncimin tuaj?

Njoftime për të krahasuar

    Nuk ka njoftime për të krahasuar
    Identifikohu
    Emri juaj
    Fjalekalimi
    Humbët fjalëkalimin? Kujtoj