Çfarë është terapia e kërcimit?

Nr. Referencës
RF405112
Titulli i njoftimit
Çfarë është terapia e kërcimit?
Përshkrim
Terapia e kërcimit synon ndërgjegjësimin për vetveten dhe çlirimin e tensioneve dhe bllokimeve
Nga pikëpamja fizike, ajo përmirëson qarkullimin e gjakut, koordinimin dhe tonusin e muskujve. Nga pikëpamja mentale dhe emotive, ajo forcon afirmimin e vetes, gjallëron aftësitë intelektuale dhe kreativitetin si dhe çliron nga emocione ndonjëherë të vështira për t’u shprehur me gojë të tilla si zhgënjimi, ndjenja e izolimit, etj.
Një terapi dinamike
Sencat e terapisë së kërcimit zhvillohen në mënyrë individuale apo në grup, në një vend që duket më shumë si një studio kërcimi sesa si një kabinet terapie. Në takimin e parë, terapeuti kërkon të përcaktojë arsyet dhe objektivat e terapisë, pastaj ai fillon terapinë e kërcimit dhe lëvizjeve. Lëvizjet mund të improvizohen ose jo dhe ndryshojnë sipas stilit të terapeutit. Muzika nuk është gjithnjë e pranishme; në grup, ajo mund të jetë një element grumbullues, por qetësia ndihmon kërkimin e ritmit në vetvete.
Për të krijuar një klimë besimi dhe intimiteti si dhe për të ndihmuar ndërgjegjësimin për trupin e vetë si dhe për ambientin, disa terapeutë përdorin objekte të ndryshme, ndonjëherë të çuditshme, si për shembull, topin me diametër 1 metër. Terapia e kërcimit bën të mundur të rizbulohet anatomia e trupit dhe të krijonet një numër i madh ndjenjash dhe mendimesh. 
Rrënjë të thella
Që në kohët e hershme, kërcimi bën pjesë në ritualet e shërimit e të festave të kulturave tradicionale. Terapia moderne e kërcimit ka lindur gjatë viteve 1940. Ndër të tjera, ajo u përgjigjej nevojave për trajtimin e pacientëve me probleme psikiatrike. 
Në vitin 1966, krijimi i American Dance Therapy Association bëri të mundur që të arrihet njohja profesionale e terapisë së kërcimit. 
Përdorimet terapike të terapisë së kërcimit
Terapia e kërcimit është e përshtatshme për njerëzit e të gjitha moshave dhe të gjitha kushteve dhe ndër të tjera ndihmon shëndetin në përgjithësi, imazhin dhe vlerësimin për vetveten si dhe ndihmon për uljen e stresit, ankthit, problemeve fizike dhe dhimbjeve kronike. Terapia e kërcimit në grup ndihmon për riintegrimin social, ndërgjegjësimin për vetveten dhe amnoentin rrethues si dhe për krijimin e lidhjeve afektive.  Ajo krijon gjithashtu ndjenjën e mirëqënies që lind nga qëndrimi në grup.
Efektet e terapisë së kërcimit
Terapia e kërcimit dhe lëvizjes mund të ndikojë në uljen e nivelit të stresit e të përmirësojë nivelin e jetesës së personave të sëmurë me kancer apo që janë shëruar nga kanceri,  mund të ndihmojë në uljen e gjendjes së ankthit, për pakësimin e simptomave të depresionit,  të skizofrenisë kronike, etj.
Terapia e kërcimit dhe lëvizjes ndihmon pacientët që vuajnë nga sëmundja e Parkinsonit. Nga disa studime të kryera vitet e fundit, rezulton se kërcimi social (tangos dhe valsit) ndikon pozitivisht në lëvizjen funksionale dhe ekuilibrin e pacientëve të moshuar të cilët vuajnë nga sëmundja e Parkinsonit.
Terapia e kërcimit përmirëson gjithashtu edhe ekuilibrin e personave të moshuar. 
Terapia e kërcimit ushtrohet në mënyrë private, në spitale psikiatrike, në qëndra kurimesh afatgjata, në qëndra riedukimi, në qëndra të riintegrimit të personave të alkoolizuar dhe toksikomanëve, etj.
    • Vlerësimi i tanishëm: 0
    • Votimi total: 0
  • Shkarkoje si PDF Shkarkoje  si PDF
  • Denoncoje si të rremë Nrysho denoncimin
  • Skano barkodin ! Skano  barkodin !
  • 1930 Vizitorë
Emri i shokut tuaj *
Posta elektronike e shokut tuaj *
Emri
Posta juaj elektronike
Mesazhi Juaj.
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Nuk ka komente te vendosura
Komento
Emri *
Arsyeja *
Vlerësimi
Mesazhi Juaj. *
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Ne e kemi të pamundur te gjejme këtë adresë të kërkuar () nuk ka të dhëna për këtë adresë
Vendosni denoncimin tuaj për këtë njoftim.
Po përpunohet...
Jeni të sigurtë që doni të anulloni denoncimin tuaj?

Njoftime për të krahasuar

    Nuk ka njoftime për të krahasuar
    Identifikohu
    Emri juaj
    Fjalekalimi
    Humbët fjalëkalimin? Kujtoj