9 vendet e paevitueshme në Paris

Nr. Referencës
RF172995
Titulli i njoftimit
9 vendet e paevitueshme në Paris
Përshkrim
Nga Xhokonda tek Tour Eiffel-i, vizitoni mrekullitë e arkitekturës, artit dhe atraksioneve të Parisist!
1
Notre-Dame
“Zemra” e vendit, si nga ana gjeografike ashtu edhe shpirtërore, katedralja e Notre-Dame-it ngrihet madhërishëm në Ile de la Cite’. Pas vënies së gurit të parë të katedrales nga papa Aleksandri i Tretë në vitin 1163, një ushtri e tërë artizanësh punoi gjatë 170 vjetësh për realizimin e konceptimit të mrekullueshëm të ipeshkvit Maurice de Sully. Kryevepra gotike, pothuajse e shkatërruar tërësisht gjatë Revolucionit, u restaurua nga viti 1841 deri në vitin 1864 nga arkitekti Viollet-le-Duc. Me gjatësi rreth 130 metra, me një navatë të lartë dhe navata anësore të dyfishta, katedralja ka edhe organon më të madhe të Francës.
Portali i Virgjëreshës është një vepër e shkëlqyer me gurrë të skalitur realizuar në shekullin e 13-ë që pasqyron vdekjen e Shën Marisë dhe kurorëzimin e saj në qiell. Megjithatë, skulptura nga Virgjëresha tek Fëmija është një kopje moderne.
 
2
Muzeu i Luvrit
Luvri, njëri nga muzetë më mbreslënës të botës, ka rreth 35 000 vepra me një vlerë të pallogaritshme. Ndërtuar në periudhën e mbretit Philippe-Auguste në vitin 1190 si një fortesë, mbreti Chalres i Pestë (1364 – 1380) e ktheu në rezidencën e tij. Në shekullin e 16-ë, mbreti François i Parë e zëvendësoi me një pallat të stilit të Rilindjes dhe krijoi koleksionin e artit mbretëror me 12 piktura të ardhura nga Italia. Revolucionarët e bënë koleksionin të vizitueshëm për publikun në vitin 1793. Pak kohë më vonë, Napoleoni bëri Muzen e Luvrit të rinovuar.
Vepra më e famshme e muzeut është Xhokonda e Leonardo da Vinçit, portreti i një gruaje me buzeqeshje enigmatike. Xhokonda është piktura më e famshme e botës dhe është restauruar në mënyrë të shkëlqyer.
 
3
Kulla Eiffel
Simboli më karakteristik i Parisit, Kulla Eiffel u denigrua nga kritika kur u ngrit mbi horizontin e qytetit në vitin 1889, në kuadrin e Ekspozitës universale, por simetria e saj e bukur e ktheu shumë shpejt kullën në një vepër të famshme në të gjithë botën. Kulla 312 metra e lartë për shumë kohë ka qenë struktura më e lartë e botës derisa u kalua nga Empire State Building e Nju Jorkut në vitin 1931. Megjithë pamjen e saj delikate, ajo peshon 10 000 tonë metrikë dhe ndërtimi i inxhinierit Gustave Eiffel është aq i fortë saqë nuk ka lëvizur asnjëherë më shumë se 9 cm në momente ere të fortë.
 
4
Sacré- Cœur
Një nga vendet më të fotografuara të Parisit, konturi spektakolar i bardhë i Sacré- Cœur-it dominon qytetin nga lartësia e pikës së tij kulmore. Bazilika, nëpërmjet ndërtimit të së cilës duhej të përkujtoheshin 58 000 ushtarët francezë të vrarë gjatë luftës franko-prusiane (1870 – 71), u ndërtua për 46 vjet dhe përfundoi vetëm në vitin 1923. Disa priftërinj luten atje 24 orë në ditë për shpirtin e të vdekurve. Edhe pse interiori është më pak mbresëlënës se ai shumë kishave të tjera të qytetit, njerëzit dynden në kishë për pamjen e saj panoramike, sidomos në perëndimin e diellit. Rallë shesh pamje të tilla spektakolare në Paris.
 
5
Musée d'Orsay
Ky koleksion i shkëlqyer përmban një shumëllojshmëri rrymash artistike që mbulojnë një periudhë që vazhdon nga viti 1848 deri në vitin 1914, përfshirë edhe një koleksion të mrekullueshëm të impresionistëve. Muzeu, një stacion hekurudhor i kthyer në muze, është po aq mbreslënës nga kënvështrimi arkitekturor.  Stacioni hekurudhor, i ndërtuar në vitin 1900 funksionoi si i tillë deri në vitin 1939, pastaj u mbyll dhe u la në harresë, me përjashtim të rastit kur u përdor për xhirimet e filmit “Procesi” të Orson Welles-it në vitin 1962. Më vonë u përdor si teatër dhe sallë shitjesh në ankandë. Në mesin e viteve 1970, u mendua të shkatërrohej, por në vitin 1977, autoritetet e Parisit vendosën ta shpëtojnë ndërtesën e stacionit duke e kthyer në muzeun mbreslënës aktual.
Një nga bizhutë e koleksioni është vepra e Vincent Van Gogh-ut, vepra më tërheqëse e të cilit është “Dhoma”. Në muze mund të shihen edhe autoportretet e pikturuara me forcën karakteristike të artistit, si dhe veprat e impresionistëve të tjerë francezë.
 
6
Harku i Triumfit
Dita e 2 Dhjetorit është dita më e mirë për të vizituar harkun më të famshëm në botë. Është dita e fitores së Napoleonit në betejën e Austerlicit në vitin 1805. Atje duhet të shkohet në momentin kur dielli, që perëndon prapa  Champs-Élysées-ve dhe Harkut të Triumfit, krijon një spektakël të vërtetë përqark harkut. Punimet për ngritjen e harkut 50 metra të lartë filluan në vitin 1806, por nuk mundën të përfundonin veçse në vitin 1836, pjesërisht për shkak të rënies nga pushteti të Napoleonit. Katër vjet më pas, kortezhi mortor i Napoleonit kaloi poshtë harkut drejt “Les Invalides” ku prehen eshtrat e tij. 
Në majën e Harkut të Triumfit mund të ngjiteni me ashensor ose nëpërmjet 284 shkallëve. Një pamje e mrekullueshme e Parisit u ofrohet syve nga maja e Harkut. Pas ngjitjes me ashensor, duhen ngjitur edhe 40 shkallë.
 
7
Qëndra Georges Pompidou
Kur u përurua në vitin 1977 Qëndra Georges Pompidou, njëra nga ndërtesat më të famshme të arkitekturës moderne botërore, arkitektët Richard Rogers dhe renzo Piano habitën gjithë botën me tubat me ngjyra të gjalla të ekspozuara në fasadën e saj. Ideuar për t’u bërë kompleks artistik ndërkulturor, në qëndër ndodhen Muzeu i shkëlqyer Kombëtar i Artit Modern, sikurse edhe një kinema, një bibliotekë, dyqane dhe një hapësirë për performanca.  Sheshi i ndërtesës është kthyer në një qëndër ku grumbullohen turistët dhe banorët e lagjes.
Nuk duhet të lini pa vizituar shatërvanin Stravinski plot me ngjyra që ndodhet në Sheshin Igor Stravinski.
 
8
Panteoni
Aktualisht, ndërtesa e bukur e Panteonit është vendi ku prehen figurat e mëdha të kombit. Në vitin 1744, ndërtesa është konceptuar si një kishë. Ndërtimi i saj përfundoi në vitin 1790 dhe duhej t’i ngjante Panteonit të Romës, nga ka marrë edhe emrin, por në fakt, i ngjan më shumë katedrales Saint-Paul  të Londrës. Gjatë Revolucionit, Panteoni u kthye në mauzole, por Napoleoni ia riktheu Kishës në vitin 1806. Pas disa peripecirash të tjera, më në fund, ndërtesa u bë vend publik në vitin 1885
 
9
Hôtel des Invalides
“Invalidët”, për të cilët ky hotel i veçantë u ndërtua në fund të shekullit të 17-ë, ishin ushtarë të plagosur. Ndërtesa u ngrit në periudhën e Luigjit të 14-ë midis vitit 1671 dhe 1678. Atje ndodhen eshtrat e 12 ish luftëtarëve të famshëm të cilët prehen së bashku me ushtarin më të madh francez, Napoleon Bonapartin.
Trupi i Napoleonit u soll nga ishulli i Shën Helenës në vitin 1840, rreth 19 vjet pas vdekjes së tij.
    • Vlerësimi i tanishëm: 0
    • Votimi total: 0
  • Shkarkoje si PDF Shkarkoje  si PDF
  • Denoncoje si të rremë Nrysho denoncimin
  • Skano barkodin ! Skano  barkodin !
  • 2592 Vizitorë
Emri i shokut tuaj *
Posta elektronike e shokut tuaj *
Emri
Posta juaj elektronike
Mesazhi Juaj.
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Nuk ka komente te vendosura
Komento
Emri *
Arsyeja *
Vlerësimi
Mesazhi Juaj. *
Vendos karakteret e figurës *
Kliko mbi imazhin për të rifreskuar figurën. Ju lutemi vendosni karakteret e përshkruara
Ne e kemi të pamundur te gjejme këtë adresë të kërkuar () nuk ka të dhëna për këtë adresë
Vendosni denoncimin tuaj për këtë njoftim.
Po përpunohet...
Jeni të sigurtë që doni të anulloni denoncimin tuaj?

Njoftime për të krahasuar

    Nuk ka njoftime për të krahasuar
    Identifikohu
    Emri juaj
    Fjalekalimi
    Humbët fjalëkalimin? Kujtoj