Si të zgjedhim syzat e diellit?

Αριθμός αναφοράς
RF141930
Τίτλος
Si të zgjedhim syzat e diellit?
Περιγραφή
Shpeshherë syzat e diellit zgjidhen për anën estetike, gjë që bën që ato të mos luajnë gjithnjë rolin e tyre kryesor: mbrojtjen nga rrezet Ultra Violetë: UVA dhe UVB. Por si duhet të zgjidhen syzat e diellit për t’iu përshtatur sa më mirë nevojave tuaja?
Duhet të dini që drita e gjallë e diellit mund të dëmtojë sytë tuaj. Ekspozimi në dritën tepër të fortë të diellit mund të dëmtojë retinën e syrit dhe të provokojë një humbje të përhershme të shikimit. Për më tepër, rrezet UVA dhe UVB shtojnë rrezikun e perdes së syrit, që është një kthim gradual i kristalinit në gjëndje opake. Kështu që sytë duhen mbrojtur edhe në rast se qielli është me re.
Syzat e diellit duhet t’ju mbrojnë nga drita e fortë e diellit pa krijuar probleme për fqinjët tuaj. Këtu fillon të komplikohet zgjedhja e tyre. Në fakt, ju duhet të lexoni me kujdes etiketën përpara se t’i blini. A ju mbrojnë ato nga rrezet UVB, rrezet më të rrezikshme? A janë lentet me xham apo plastike?
Syzat e diellit ndahen në tre grupe:
Syzat e ashtuquajtura estetike
Lentet e tyre janë me pak ngjyrë.
Ato bllokojnë deri në 60% të dritës dhe të rrezeve UVA, sipas ngjyrës dhe shkallës së ngjyrimit të përzgjedhur.
Ato filtrojnë nga 87,5% deri në 95% të rrezeve UVB.
Këto syza, pra, nuk rekomandohen për të ngarë makinën.
Syzat gjithë-përdorimshe
Të përshtatshme për të ngarë makinën në diell
Ato bllokojnë nga 60 deri në 92% të rrezeve UVA dhe dritën e dukshme.
Lente plastike ose xhami të cilat reduktojnë 95% deri në 99% të rrezeve UVB.
Syzat me përdorim të veçantë
Ato rekomandohen sidomos për një ekspozim të gjatë në diell dhe në një mjedis të veçantë, si për shëmbull për peshkim.
Ato janë shumë të përshtatshme kur shkohet pranë vendeve me ujë, në plazhet me rërë të bardhë ose në periudhën e dimrit kur dielli bie mbi dëborë.
Ato bllokojnë 97% të dritës së dukshme dhe 98,5% të rrezeve UVA.
Për më tepër, ato filtrojnë 99% të rrezeve UVB. Duke qënë shumë të errta, ato nuk janë të përshtatshme kur jeni në timon të makinës.
Do të ishte ideale në rast se syzat e diellit do t’ju mbronin kundër dritës blu, dritës më të dëmshme për sytë. ato janë në përgjithësi me ngjyrim gri, kafe apo jeshil, me një intensitet nga të mesëm në të errët.
Lentet e syzave
Idealja është që lentet e syzave tuaja të diellit të jenë me xham. Duke qënë më pak rezistent se plastika, xhami thyhet më lehtë. Për më tepër, në përgjithësi këto syza janë më të rënda.
Shumica e syzave të diellit janë me lente plastike, kështu që duhen zgjedhur syzat që kanë një shtresë e cila mbron nga gërvishtjet.
Disa lente plastike krijojnë një deformim të pamjes me nivel më të lartë. Ato syza është mirë t’i evitoni. Për të përcaktuar nivelin e deformimit, vërini në sy syzat e zgjedhura dhe shikoni një drejtkëndësh. Lëvizeni kokën nga poshtë lart dhe nga e majta në të djathtë. Në rast se linjat duken të deformuara, vërini përsëri në raft syzat e diellit. Në rast se ato bëjnë një deformim të lehtë, merrini!
Lentet polarizuese
Lentet polarizuese janë një zgjedhje e mirë. Ato mbrojnë nga verbimi sidomos kur jeni në timon.
Lentet pasqyrë
Lentet “pasqyrë” nuk krijojnë ndonjë avantazh të veçantë. Ato pasqyrojnë dritën, por veshja e tyre metalike gërvishtet me lehtësi.
Nga pikëpamja estetike
Pasi të zgjidhni ngjyrën dhe xhamat që ju përshtaten më shumë, duhet t’i zgjidhni syzat sipas formës së fytyrës suaj.
Për një fytyrë të rrumbullakët ose ovale
Për një fytyrë të rrumbullakët apo ovale, keni një gamë të gjërë mundësishë për zgjedhje. Ju shkojnë të gjitha format e skeleteve dhe lenteve.
Për një fytyrë katrore
Në rast se fytyra juaj është katrore, zgjidhni një skelet elegant me lente të rrumbullakta ose ovale.
Për një fytyrë në formë trekëndëshi
Për një fytyrë në formë trekëndëshi, shkojnë shumë skeletet e tipit “flutur”.
Për më tepër, skeleti duhet të jetë në proporcion me fytyrën tuaj. Në rast se është tepër i madh, ai do ta ngushtojë fytyrën, ndërsa në rast se është tepër i ngushtë, do ta zgjerojë dhe do shkatojë plagë në hundë dhe veshë.
Çmimi
Për çudi, çmimi nuk është gjithnjë tregues i cilësisë së syzave të diellit. Duke respektuar kriteret e përzgjedhjes të sipërpërmendura, ju do të merrni syza të mrekullueshme, të cilat ofrojnë mbrojtjen e duhur. Zgjedhja e një marke me emër nuk është domosdoshmërisht sinonim i cilësisë.
Për fëmijët
Për fëmijët e vegjël, syzat cilësore të diellit janë shumë të rëndësishme. Shmangiuni syzave të vogla plastike me ngjyrë që u pëlqejnë të vegjëlve dhe jepuni atyre syza me mbrojtjen e duhur. Në fakt, sytë e fëmijëve dhe adoleshentëve janë më të ndjeshëm ndaj rrezeve UVA dhe UVB. Këto të fundit mund të dëmtojnë retinën dhe të shkaktojnë trubullime të shikimit disa vjet më vonë. Rrezet UVA bllokohen nga kristalini vetëm pas moshës 25 vjeç.
  • 2292 Εμφάνιση
Το Όνομα του Φίλου σου *
Το Ηλεκτρονικό Ταχυδρομείου του Φίλου σου *
Το Όνομά σου
Το Ηλεκτρονικό σου Ταχυδρομείο
Μήνυμα
Είστε ένας άνθρωπος? *
Κλικάρετε στην εικόνα για να ανανεωθεί το Σχήμα. Παρακαλώ εισάγετε τους χαρακτήρες που εμφανίζονται στην εικόνα
Δεν υπάρχουν σχόλια που προστέθηκαν
Προσθήκη Σχολίου
συγγραφέας *
Tίτλος *
Eκτίμηση
Μήνυμα *
Είστε ένας άνθρωπος? *
Κλικάρετε στην εικόνα για να ανανεωθεί το Σχήμα. Παρακαλώ εισάγετε τους χαρακτήρες που εμφανίζονται στην εικόνα
We were unable to find the requested address () via Google street view due to Google street view doesn’t have data for this address.
Enter your report
Φόρτωση...
Are you sure you want to cancel your report?

Ανακοίνωση προς συγκρίνετε

    Δεν υπάρχουν καταχωρήσεις για να συγκρίνετε
    Είσοδος
    Όνομα χρήστη
    Κωδικός πρόσβασης
    Ξεχάσατε τον κωδικό πρόσβασης; Υπενθύμιση