Krem preshi me ravioli me djathë të fortë

Përbërësit :

 

Për ravioli: 

500 gr miell 00

300 gr djathë të fortë(sipas dëshirës)

4-5 vezë

100 ml vaj ulliri

kanellë pluhur

kripë

 

Për kremin e preshve:

 

600 gr presh

2 patate

100 gr qepë e kuqe

lëng perimesh

 

Koha e përgatitjes: 30 min

koha e pjekjes: 60 min

totale: 90 min

porcione: 6

mënyra e gatimit: zierje

 

Përgatitja: 

•    Për kremin e preshve: në një tenxhere të lartë, skuqni qepën, shtojini patatet e qëruara dhe në fund preshët e qëruar e të prerë me copa të mëdha. Mbulojeni me kapak dhe lëreni të zihet për pothuaj një orë me flakë të ulët. Kalojeni të gjithë pastaj në grirëse.

•    Për raviolin : kaloni miellin me sitë, pastaj hidhni vezët në qendër me gjithë vajin dhe kripën, pak. Kur brumi të jetë zënë mirë, lëreni të pushojë për gjysmë ore. Pastaj hapni dy peta byreku. 

•    Shpërndani mbi njërën prej petave djathin në formë kubi, mbulojeni me petën tjetër duke e shtypur me dorë dhe prijini raviolit me rrotën që pret petët. Gatuajini në ujë të valuar dhe shërbejini me kremin e preshve: ravioli në mes të kremit. Hidhini sipër kanellë pluhur.