Pasta për Krishtlindje

Përbërësit për 8 pasta:

 

150 gr e bardhë veze ( rreth 5 vezë )

150 gr sheqer shumë i hollë

150 gr sheqer pluhur për frutat me sherbet

4 kumbulla të kuqe

3 lugë sheqer

2 dardha të vogla

2 lugë ujë

4 lugë mjaltë i hollë, ngjyrë e hapët.

 

Përgatisni shkumën e bardhë të vezëve një ose dy ditë përpara:

Ndizni furrën në 105 ° dhe përgatisni një tepsi të madhe të mbuluar me letër furre.

Vendosni të bardhat e vezëve në një tas të pastër e të thatë. Bashkoni sheqerin me sheqerin pluhur në një pjatë, përziejini dhe pastaj  2/3 e hidhni në të bardhat e vezëve. Riheni shkumën në formë kapuçi me një rrahës elektrik për rreth 5-7 minuta. Shtoni më pas 1/3 e sheqerit të mbetur mbi shkumën, jo të gjithë menjëherë, por në dy herë dhe përziejini bashkë me delikatesë derisa shkuma të bëhet e shkëlqyer dhe kompakte. Vendosni shkumën në një tas pastiçerie. Krijoni 8 fole shkume (duke lënë një vrimë në mes) sipër tepsisë së mbuluar me kartë furre.

Futini në furrë e piqini për 75 minuta. Nxirrini shkumat nga furra, lërini të ftohën dhe ruajini në një dollap të sigurt derisa të vijë momenti i duhur. 

Përgatisni frutat. Pritni kumbullat me feta duke i hequr bërthamën. Hidhini në një tigan  të vogël me sheqer dhe gatuajini me flakë të ulët për rreth 5-7 minuta, aq sa duhet për t’u bërë të buta e me sherbet. Veças, prisni dardhat me kuba dhe futini në një tenxhere me ujë. Ziejini për rreth 8 minuta, derisa të bëhen të buta, pastaj lyejini me mjaltë. Bashkoni dardhat me kumbullat dhe përdorni një lugë për t'i futur frutat e pjekura bashkë me shurupin e kumbullave të kuqe, brenda gropëzës së shkumave.